Transcription
1
Monsieur, jesperey tosjours à la sallie du maulvais temps que
2
nous avons heu en ce peys vous aller beyser les mains mais,
3
ainssi que jestoye sur le poinct mestant licencié ung peu tropt
4
de manger des raisins, il ma prins ung devouement de
5
ventre que je nose monter à cheval, quest cause que pour
6
navoyr heu il y a quelque temps de vous novelles, jaye
7
despeché expressement le cappitayne Arnaud par devers
8
vous pour le desir que jay den scavoir. Je neusse tant demeuré
9
sy jeusse sceu quelque chose digne de vous et aussi que
10
en ce peys toutes choses y sont transquilles, ormis que
11
en Triesves, lon dict quil y a des volheurs lesquelz, à ce que
12
jentendz, seront fort aysés à attrapper car ce sont de bellistres.
13
Monsieur Gentil a passé par ycy, qui sy est en allé commis de
14
la part de messieurs de la court de parlement. Incontinent
15
que jarey faict le bout de lan de feu ma mère, je ne fauldrey
16
aller recepvoyr vous commandementz, lesquelz atendant
17
je salluerey vous bonnes graces de mes tres humbles recomandations.
18
Je prie le Createur vous donner
19
Monsieur en bonne sante et prosperite tresbonne longue et heureuse
20
vie. De votre maison à La Motte, ce premier jour doctobre 1572
21
Votre tres humble et obeissant serviteur
22
Lamote Verdeyer
23
Je baise les mains de madame, laquelle je supplie recepvoir mes
24
tres humbles recomandations. Madame de La Motte vous presante
25
de mesme à toutz deulx
26
27
28